5-ноябрда Нарын шаарында «Мамлекеттик лизинг компаниясы» ААКнын өкүлдөрүнүн Нарын облустук мамлекеттик администрациясынын, Нарын шаарынын мэриясынын жана башка жергиликтүү өз алдынча башкаруу органдарынын өкүлдөрү менен жолугушуусу болуп өттү.
Жыйындын жүрүшүндө облустун экономикасын өнүктүрүү маселелери талкууланып, бул максатка жетүү жана натыйжалуу иш-чараларды өткөрүүнүн зарыл жолдорунун бири катары негизги фонддорду (машиналар жана жабдуулар) жаңылоо зарылчылыгы тууралуу маселе көтөрүлдү.
🇰🇬 «Мамлекеттик лизинг компаниясы» ААК кызматташууга кызыкдар экендигин жана ЖӨБ органдарынын негизги каражаттарын узак мөөнөткө жеңилдетилген пайыздык чен менен лизингге берүү аркылуу модернизациялоого көмөк көрсөтүүгө толук даяр экендигин билдирди.
